من طرف مسلم السماوي

رجعت يخويه أضعوني أكعد وشوف أمتونــــــــــي
كبرك وين دلينـي أنادي ودمعتي بعيني
اكعد وشوف أمتوني
************************
أنه أم ألخدر زينـــب أجيتك كابعه بـهمـــي
عن كبرك أناشدوين بدمع ألعين يبن أمـــي
أجيتك وألكلب يلهب مثل مالهبت أخيمـــي
تمنيت أنكطع نحري وكبل دمك نزف دمي
لمن رحت خليتـــك بلوعة كلب ناديتــــك
شكطع مابينك وبيني أنادي ودمعتي بعيني
********************************
خذوني لليسر عنــــك يبوا ألسجاد مجتوفـــه
غريبه ودمعتي بعيني يخويه وروحي ملهوفه
وتتفرج عليه أعــداك وانه بخدري معروفــه
ياريتك عدل وتشوف حالي بديرة ألكوفــــــه
لمن تصد ليه ألناس اذكر جفيلي ألعبــــاس
وجمر ألحزن ياذيني أنادي ودمعتي بعينـي
*******************************
لوتنشدني يبن أمي شنهوا ألغير ألوانـــي
من يوم ألرحت عنك تمطر دمعة أحزانــي
أنوح عليك ليل أنهار وبسمك يلهج ألسانــي
جان أم ألخدر أسمي ألسبيه صار عنوانـي
وين الوصي حامي ألجار ايشوف ألسده عليه وصار
وهاي أليله يحمينـــي أنادي ودمعتي بعيني
*******************************




وبعد لوتنشد أجروحي منهن ياجرح يلتـــــــــام
لوأكدر أشلها أشلــون أشل ياخويه جرح ألشام
جم لوعه شفت بيهــا جم حسره وحزن وألالام
عكب ذاك ألدلال أشلون عيوني با ألخرابه أتنــام
أنه أخت ألمعروف بزوده ألظل مطروح وحاضن جوده
غيره من يشجينـــي أنادي ودمعتي بعينـــي
********************************
طر كبرك يخويه وشوف حزني ولوعة أمصابي
ونشد يلغريب عليـــــــك شنهي ألصار بغيابــي
مثل أصـــــــواب دلالك أجيتك ينزف أصوابي
ولتظن ينكطع نوحــــي وكطع دمعة أعتابــــي
ليك أتعنيت أليلــــــــــه يلمظلوم بضعن ألعيله
أكعد يحسين وحاجيني أنادي ودمعتي بعينــي
********************************
تعنت للجفيل أتنــــوح وتذوب الصخر ونتها
ولمن وصلت ألكبــره يمه أسكينه شافتهـــــا
تنوح بكتره وتكلـــــه يعمي وتجري دمعتها
ماتكعد يبوا ألغيـــره تشوف أختك وحيرتها
من ألوطن جينه وياك وبكربلا فاركنــــــاك
أحشمك لاتخلينـــــي أنادي ودمعتي بعيني
********************************
أجيت أشكيلك أحزاني ونشدك ياضوه عيوني
شكل للناس ياعبــاس عنك لو ينشدونـــــــي
أكلهم عل ألنهر عفته مكطع جافل أضعوني
وكلفه عليه أرد وحدي وبمصابك يعزونــــي
وتدري أمك من تتلكاني تنشد عن غيبة ولياني
اواسيهه وتواسينــــــي أنادي بدمعة عيونـــي
********************************
مسلم محمد ألسماوي