الرئيسية
Ahlamontada 
من طرف مسلم ألسماوي الأربعاء نوفمبر 05, 2008 4:10 pm
[b]( قصيده) ******
جيتك وألدمعات بعيني** يابويه
محتاره شلون أتخليني**يابويــه
أكظي ألعمر متألمه أنه ألعزيزه فاطمه
*************************
أجيتك وألدمع من عيني دم يجري
أتوجه عل همي وعثر بصبـــري
عمري شلون يكظي يابعد عمري
يمك ريت يابويه أنحفر كبـــــري
أكعد وعاين حالتـــي**يابويه
أصرخ بجمرة ونتي**يابويه
بضيم ألدهر متحزمه أنه ألعزيزه فاطمه
************************
أضم دمعي يبويه ألنوح شيضــــــــمه
وكل حسره عل وجهي غيابك أترسمه
ذاب من ألحزن كلبي وصعب لمــــــه
شلون أتحمل ودهري سكن سهمــــــه
بدلالي يا ضي دنيتي**يابويه
ياحيره تشبه حيرتي**يابويه
أجري ألمدامع من دمه أنه ألعزيزه فاطمه
************************
من غصبن عليه جيت أودعنــــــــك
ودري عيوني باجر مايشوفنــــــــك
خليهن يبويه يرتون منـــــــــــــــــك
يريت بكلبي كبل ألموت أضمنـــــك
مهظومه ودلالي أتحير**يابويه
ما أكدر اصبر ما أكدر**يابويه
للحزن عمري أتسلمه أنه ألعزيزه فاطمه
شلون أحمل غيابك وألصبر شيفيد
يابويه ودليلي شلون كلي أيهيـــــد
ماريد ألعمر عكبك بعد ماريــــــد
اخذني وياك يهلال ألفرح وألعيــد
ما احمل اهات غيابك**يابــــــويه
وما يشفه بدلالي أصوابك**يتبويه
وحسراتي تدري أتخذمه أنه ألعزيزه فاطمه
****************************
ياجرح ألزجيه ألماكطع نزفــــه
يظل يدي بدليلي ولاتظن يشفــه
ياجلمة عتب ما لاحت ألشفـــــه
وسف تروح عني يا ألف وسفه
ناديت بدمعات عيونـــي**يابويه
تدري ألوادم ميرحموني**يابويه
أهل ألسقيفه ألظالمه أنه ألعزيزه فاطمه
****************************
وصيت أمتك يلهادي باألزهــره
يريت ألباب كون بعينك أتنظره
وتعاين ظلعها ولوعته وكســره
يايوم ألظلع يلمصطفى أتجبــره
عكبك ظليت بأحزاني**يابويـــــه
ويلهج با اللوعات ألساني**يابويه
يلجفك أصل ألغانمه أنه ألعزيزه فاطمه
****************************
مسلم محمد ألسماوي
» يارسول ألله
» من أليسر ليكم يهلنه(نزله)
» عني ألاحباب كلهم غياب
» فائزي (زنجيل) للعباس ع
» عتاب ألعليله(زنجيل)
» 3(دكات) زنجيل للقاسم بن ألحسن ع
» ألكفيل وزينب(نزله)
» عتاب ألعليله (نزله)