عني ألاحباب كلهم غياب

عني ألاحباب **** كلهم غياب
عجيبه شلون ينسوني أنادي وما يسمعوني
كلهم غياب كلهم غياب
*******************************
أنه أخت ألذبيح ألـــذاب كلبه بحسرة أميـــــه
وانه مخدرة عبـــاــــس يامن تنشد علــــــــيه
من يومي ألدهر ويــاي هظمني وما رحم بـيه
هم أيعود دهري أردود ويرد ألفرح ليـــــــــه
ونسه ألاحزان يم ألوليان
ونشف دمعة عيوني أنادي وما يسمعوني
كلهم غياب كلهم غياب
***********************
هيهات ألزمان أيعــــود ولكه أردود وليانــــــــــي
عفتهم غصبن عليــــــه ورحت وي دمعة أحزاني
من ذاك ألوكت وانــــه أعتب دهري خلانـــــــــي
عجيبه ألمانسيته بيــوم كلبه اليله ينسانــــــــــــــي
وين الوفاي ضيعت الراي
أخته وبيه يسموني أنادي وما يسمعوني
كلهم غياب كلهم غياب
*************************
وي عباس خلونــــــــــــي أودعه بدمعتي أليلــــــــه
جفيلي وحكي يا هل ألناس عن اهمومي أحجيلــــــه
لومال ألحمل ظنيـــــــــت يفزعله ويتجيــــــــــــله
وتمنيت ألنعش بيـــــــــده سبع ألكنطره أيشيـــــــله
وي المظلوم يدفني أليوم
وحيه أليله عافونـــــــــي أنادي ومايسمعونـــي
كلهم غياب كلهم غياب
***********************



حكها عيوني من تعتب عليك وتجري دمعتها
تدري أختك يبوا ألغيره صعبه أتفارك أخوتها
تموت أهروش دلالـــي لودنياك كطعتــــــــها
يخويه ألناس عني أتكول غريبه أخوتها عافتـها
من شفت ألعين وي ألجفين
كطيعه خابت أظنوني أنادي وما يسمعونــي
كلهم غياب كلهم غياب
***********************
كبل ماموت أتمنــــــــــه عيني ألحايره أتشوفك
شلون أنساك ياعبـــــاس ونسه طيب معروفــك
جرح بظلوعي خليتــــك بس دمع ألوفه أيروفك
لون أليله تحضرنـــــــي أريدك تحضر أجفوفك
دلالي أشتاك من عكب أفراك
بلجن تسمع أشجوني أنادي ومايسمعوني
كلهم غياب كلهم غياب
***********************
دعيت من ألله أشوفنـــك كبل ماتخمد أنفاسي
أستجاب ألباري ليه وجيت ياريحة أعز ناســي
حنين ادري بكلب عبـــاس وما مر يوم بيه جاسي
مثل ما راسه شاله حسين هل أليله حظن راسي
شفته وحنيت وبا لهم ناديت
يمك ريت دفنونــــــــــي أنادي ومايسمعونـــــي
كلهم غياب كلهم غياب
***********************
يزينب جيتج وكلبــــــــي يم والينه خليتــــــــــه
بيج أليله وصانــــــــــــي ونه بحسين وصيتــــه
يكلي من تصل زينـــــب كلها جرحي داويتـــــه
بس جرحج يظل يــــــدي وحدر ظلوعي ظميتــه
وكلب ألمصيوب من حكه أيذوب
يشيعه اليله واسونـــــــي أنادي وما يسمعونـــي
كلهم غياب كلهم غياب

مسلم محمد السماوي